land record:ब्रेकिंग न्यूज! सातबारा उतारे होणार बंद, सातबारा ऐवजी मिळणार हे कार्ड

land record

land record:सुमारे साडेसात लाख सातबारे आता बंद होऊन तेथील मालमत्तांचे प्रॉपर्टी कार्ड तयार करण्यात येणार आहे. प्रॉपर्टी कार्ड तयार करण्याचे काम भूमी अभिलेख विभागाने हाती घेतले आहे.

राज्यातील सुमारे ४५ हजार गावांपैकी सुमारे साडेचार हजार गावे शहरालगत असल्याने त्यांचे शहरीकरण झाले आहे. त्यामुळे या गावांतील सुमारे साडेसात लाख सातबारे आता बंद होऊन तेथील मालमत्तांची मिळकत पत्रिका (प्रॉपर्टी कार्ड) तयार करण्यात येणार आहे. प्रॉपर्टी कार्ड तयार करण्याचे काम भूमी अभिलेख विभागाने हाती घेतले आहे. त्यात पुणे विभागातील सर्वाधिक १२४२ गावांमधील प्रॉपर्टी कार्ड तयार होत असून, नव्या वर्षात ते संबंधितांच्या हाती पडण्याची शक्यता आहे.

सातबारा उतारे होणार बंद

सातबारा ऐवजी मिळणार हे कार्ड

राज्यात मोठ्या प्रमाणात शहरीकरण झाल्याने शहरातील जमिनींचे मोठ्या प्रमाणात रेकॉर्ड तयार होत आहे. ग्रामीण भागाचे शहरीकरण होते किंवा नागरी भाग वाढतो तेव्हा सर्व्हे क्रमांक निश्चित केले जातात. अशा स्वरूपाची ‘महाराष्ट्र महसूल अधिनियमा’च्या ‘कलम १२२’नुसार, अधिसूचना जारी करण्यात आली आहे.
त्यामुळे तेथील सातबारा बंद करून प्रॉपर्टी कार्ड तयार करण्याची प्रक्रिया भूमी अभिलेख विभागाने हाती घेतली आहे. ही प्रक्रिया ‘ऑफलाइन’ आहे. राज्यात सुमारे दोन कोटी सातबारा आहेत. पैकी सुमारे सात लाख ३८ हजार सातबारे बंद करण्याची प्रक्रिया सुरू असून, त्याचे प्रॉपर्टी कार्ड तयार केले जाणार आहेत. राज्यात शहरीकरणात पुणे विभाग आघाडीवर असून, त्या पाठोपाठ कोकण आणि नाशिक विभागातील गावांचे शहरीकरण झाल्याचे स्पष्ट झाले आहे.land record

जमीन मालकांची फसवणूक टळणार

ही प्रक्रिया सुसंगत होण्यासाठी प्रॉपर्टी कार्डची ‘ईपीसीआयएस’ प्रणाली आणि सातबाऱ्याची ‘ई-फेरफार’ प्रणाली ‘कलम १२२’नुसार, एकमेकांमध्ये सामावून घेण्यात येणार आहे. जेव्हा नागरी भागातील बिनशेती भागाचे प्रॉपर्टी कार्ड तयार केले जाईल, त्या वेळी तलाठ्यामार्फत तहसीलदारांना सातबारा उपलब्ध केला जाईल. सध्या समावेशनाच्या (इंटिग्रेशन) प्रणालीचे काम सुरू आहे. त्यामुळे सातबारा आणि प्रॉपर्टी कार्ड असे दुहेरी अभिलेख उपलब्ध होतील, अशी नवी संगणक प्रणाली आणण्यात येणार आहे. परिणामी, जमिनींच्या खरेदी-विक्री प्रकरणांत गैरव्यवहार आणि जमीन मालकांची फसवणूक टाळण्यास मदत होणार आहे. सध्या सातबारा बंद केल्यानंतर मात्र, ‘प्रॉपर्टी कार्ड’ सुरू झाले नसल्याच्या गंभीर बाबी समोर आल्या आहेत.

Leave a Reply

Your email address will not be published. Required fields are marked *