ज्या शेतकऱ्यांनी नोंदणी केली नसेल त्यांना तालुका कृषी अधिकाऱ्याकडे अर्ज करून लाभ मिळवता येणार आहे. मात्र त्यासाठी शेतकऱ्यांनी पाऊस पडण्याची प्रतीक्षा न करता बियाणे प्राप्त करण्यासाठी घाई करणे आवश्यक आहे.

…मग उडतो गोंधळ

शेतकरी मॉन्सूनचा पाऊस पडल्याशिवाय बियाणे खरेदीला सुरुवात करत नाही, हा दरवर्षीचा अनुभव आहे. पहिला पाऊस पडला, की शेतकऱ्यांची बियाण्यांसाठी बाजारात गर्दी होते. याच धावपळीत ते अनुदानावरील बियाण्यासाठीही गर्दी करतात व अनेकांना मग ते मिळत नाही. त्यामुळे अनुदानावरील बियाण्यांची टंचाई असल्याचीही ओरड सुरू होते.